جہلم شہر میں تجاوزات کی بھرمار اور صفائی کی ابتر صورتحال، شہریوں کو پریشان کن صورتحال کا سامنا

جہلم: شہر میں تجاوزات کی بھرمار اور صفائی کی ابتر صورتحال، جگہ جگہ تجاوزات کے باعث شہریوں کو پریشان کن صورتحال کا سامنا جبکہ صفائی کی صورتحال بھی انتہائی ابتر ہو چکی ہے۔

شہری حلقوں کا کہنا ہے کہ شہر میں تجاوزات کی بھرمار ہو چکی ہے جس کے باعث شہر کی سڑکوں ، بازاروں کی حالت گھمبیر ہو چکی ہے، تجاوزات کے باعث شہریوں کو پریشان کن صورتحال کا سامنا ہے۔

اسی طرح شہر اور ملحقہ آبادیوں کے گلی محلوں میں صفائی کی صورتحال بھی انتہائی ابتر ہو چکی ہے ، جگہ جگہ گندگی کے ڈھیر لگے ہیں ، جنہیں اٹھانے کی سینٹری ورکرز زحمت گوارا نہیں کرتے۔

شہریوں نے ایڈمنسٹریٹر ڈپٹی کمشنر جہلم سے مطالبہ کیاہے کہ وہ شہر میں قائم ہونے والی غیر قانونی تجاوزات اور صفائی ستھرائی کی ناقص صورتحال کا نوٹس لیں تاکہ شہریوں کو مشکلات سے چھٹکارہ مل سکے۔