ہمارا کام عوام کو ریلیف دینا ہے جس کے لئے ہم ہمہ وقت تیار ہیں۔ ڈپٹی کمشنر جہلم نعمان حفیظ

جہلم: وزیراعلیٰ پنجاب کی ہدایت پر ضلع جہلم کی تمام تحصیلوں میں آج دوسرے دن بھی ریونیو عوامی خدمت کچہری کا انعقاد کیا گیا۔

ڈپٹی کمشنر نعمان حفیظ نے تحصیل آفس میں منعقدہ کچہری کا دورہ کیا اور شہریوں کے مسائل سنتے ہوئے موقع پر احکامات جاری کئے۔

ڈپٹی کمشنر نے کہا کہ ضلع کی چاروں تحصیلوں میں اسسٹنٹ کمشنرز کی سربراہی میں افسران شہریوں کے مسائل سن رہے ہیں، شہریوں کو محکمہ ریونیو سے متعلق مسائل اور شکایات، ڈومیسائل کا اجراء، فرد، رجسٹری، انکم سرٹیفکیٹ اور دیگر معاملات حل کئے جا رہے ہیں۔

ڈپٹی کمشنر نعمان حفیظ نے کہا کہ ہمارا کام عوام کو ریلیف دینا ہے، جس کے لئے ہم ہمہ وقت تیار ہیں اور تمام کام قانونی دائرہ کار میں رہتے ہوئے میرٹ کے مطابق کیے جا رہے ہیں۔