جہلم پولیس نے ماہ نومبر کی کارکردگی رپورٹ جاری کر دی، 73 لاکھ روپے مالیت کا مال مسروقہ برآمد، پولیس نے سینکڑوں ملزمان کو گرفتار کر لیا۔
تفصیلات کے مطابق شاکر حسین داوڑ ڈسٹرکٹ پولیس آفیسر جہلم کی کمانڈ میں ضلع جہلم میں امن و امان برقرار رکھنے، اغواء،قتل / اندھے قتل، چوری، ڈکیتی، رابری جیسے سنگین نوعیت کے مقدمات کی ٹریسنگ، ملازمان کی گرفتاری، منشیات جیسی لعنت کے مکمل خاتمے، جرائم پیشہ عناصر کی بیخ کنی کے لیے جہلم پولیس دن رات مصروف عمل ہے۔
گزشتہ ماہ کل 127 مجرمان اشتہاریوں/عدالتی مفروران کو گرفتار کیا جن میں سے 5 مجرمان اشتہاری نہایت سنگین مقدمات میں مطلوب تھے۔ جرائم برخلاف مال کے 77 مقدمات درج 17 ملزمان کو گرفتار کیا جن سے 73 لاکھ 30 ہزار روپے کا مال مسروقہ برآمد ہوا۔
سرقہ وہیکل کے 21 مقدمات درج 3 ملزمان گرفتار، 2 مقدمات ٹریس،1 عدد کار اور 2 عدد موٹر سائیکل برآمد، 41 مقدمات منشیات درج 43 ملزمان گرفتار جن کے قبضہ سے چرس 7 کلو 38 گرام، ہیروئن 525 گرام، شراب کی 920 بوتلیں اور 1 عدد حقہ/شیشہ/کوئلہ برآمد کیا گیا۔
33 مقدمات اسلحہ درج 33 ملزمان گرفتار جن سے پسٹلز 23 عدد، رائفل 3 عدد، گن 12 بور 3 عدد، 2 عدد کلاشنکوف، 1 عدد آہنی مکا اور 176 عدد راونڈز برآمد، قمار بازی کے 3 مقدمات درج 21 ملزمان گرفتار جن سے ریکوری قمار بازی رقم 75 ہزار 260 روپے، 2 عدد موٹر سائیکل، 23 عدد موبائل فونز اور آلات قمار بازی برآمد، بھکاریوں کے خلاف 19 مقدمات درج 20 بھکاری گرفتار کر لئے۔
جہلم پولیس کی انتھک محنت، بہترین نظام پٹرولنگ اور پیشہ وارانہ صلاحیتوں کی بدولت کوئی اغواء برائے تاوان کا مقدمہ رپورٹ نہ ہوا۔ چالان مکمل کی شرح 50 فیصد رہی، محکمانہ احتساب کی پالیسی پر عملدرآمد ہوتے ہوئے پولیس افسران و ملازمین کے 73 شوکاز نوٹس کے متعلق سزا و جزاء کے احکامات جاری کیے۔
ٹریفک قوانین کی خلاف ورزی پر کل 3250 چالان ہوئے جس پر 10 لاکھ 48 ہزار 450 روپے کا جرمانہ کیا گیا، پولیس خدمت مراکز ضلع جہلم میں شہریوں کو فراہم کی جانے والی سہولیات میں 3800 افراد نے استفادہ حاصل کیا۔ ڈسٹرکٹ پولیس آفیسر جہلم نے گزشتہ ماہ میں بذریعہ کمپلینٹ سیل 304 سائلین کی شکایات کو سنا اور ان پر احکامات جاری کیے۔
اس حوالے سے ترجمان جہلم پولیس کا کہنا ہے کہ کمیونٹی پولیسنگ، بروقت انصاف کی فراہمی، لوگوں کے جان و مال کی حفاظت اور سیکورٹی مہیا کرنے کے لیے جہلم پولیس ہمہ وقت تیار ہے اسی طر ح امن و امان کو قائم رکھنے کے لیے جہلم پولیس کی طرف سے ضلع کے داخلی و خارجی پوائنٹس کے علاوہ شہر کے اہم مقامات پر ناکہ بندی بھی کی گئی ہے۔