تھانہ جلالپورشریف میں ٹاؤٹ مافیاء کا راج، ہرکام کیلئے ٹاؤٹوں کے ریٹ مقرر

پنڈدادنخان: تھانہ جلالپورشریف میں ٹاؤٹ مافیاء کا راج،ہرکام کیلئے ٹاوٹوں کے ریٹ مقرر، تھانہ جلالپور شریف کے ایس ایچ او اورمحرر نے پرائیویٹ لوگوں سے پولیس ملازمین کی ڈیوٹیوں کیلئے سرکاری موٹر سائیکلیں عنایت کر دیں۔ آئی جی پنجاب، آر پی او راولپنڈی اور ڈی پی او جہلم سے نوٹس لینے کا مطالبہ۔

تفصیلات کے مطابق تھانہ جلالپورشریف میں ٹاؤٹ مافیاء کا راج ہے ہرکام کیلئے ٹاوٹوں کے ریٹ مقرر ہیں جبکہ تھانہ جلالپور شریف کے ایس ایچ او اورمحرر نے پرائیویٹ لوگوں سے پولیس ملازمین کی ڈیوٹیاںکیلئے سرکاری موٹر سائیکلیں دے رکھی ہیں۔

ٹاؤٹ مافیا کی وجہ سے عام اور شریف شہری تھانہ جلالپوشریف جانے سے کتراتے اور ڈرتے ہیں کہ کہیں ان سفید پوش ٹاؤ ٹ مافیاء کے ہاتھوں رشوت دیے بغیر ذلیل و رسوا نہ ہو جائیں کیونکہ ان کی تفتیش حقیقت کی بجائے منت گھڑت کہانیوں پر مشتمل ہوتی ہے اور رپٹ درج کروانے کیلئے بھی ٹاوٹ ساتھ ہونا ضروری ہے جس کا حصہ اْسی ملتا ہے ۔

ذرائع نے انکشاف کیا ہے کہ تھانہ جلالپور شریف کی حدود سے روزانہ کی بنیاد پر شراب، چرس سپلائی کی جاتی ہے جس میں تھانہ جلالپور شریف کی کالی بھیڑوں کا ہاتھ ہے اوراس کے ساتھ ساتھ قحبہ خانوں منتھلیاں لینے کا بھی انکشاف ہوا ہے کیونکہ ان قحبہ خانوں کی نائیکاؤں نے اپنے گینگ بنا رکھے ہیں جس سے وہ شریف اور عزت دار لوگوں کو جھوٹی درخواستوں کے ذریعے لوٹتی ہیں۔

دودن پہلے ایک شریف الفنس لڑکے کو ایک نائیکہ نے چھوٹی درخواست دیکر پابند سلاس کروا اور پھر جب پولیس کو حصہ نہ ملا تو انہوں نے دو دن حبس بے جا میں رکھ کر لڑکے پر جھوٹی FIRدرج کر دی اسی طرح بغیر کرایہ داری اندراج سے سینکڑوں کی تعداد میں لوگ رہائش پذیر ہیں جس کی وجہ سے روزانہ کی بنیاد پر چوری ، ڈکیتی اور راہزنی کی ورداتیں رونماہوتی ہیں۔

سیاسی و سماجی حلقوں نے محکمہ پولیس کے اعلیٰ افسران سے پولیس کی وری میں چھپی ان کالی بھیڑوں کے خلاف سخت نوٹس لیتے ہوئے محکمانہ کارروائی عمل میں لائی جائے۔