ریسکیو 1122 جہلم کی ماہ مئی کی کارکردگی رپورٹ جاری، مجموعی طور پر 1022 افراد کو ریسکیو کیا
جہلم: ریسکیو 1122 نے ماہ مئی میں 9 منٹ کے اوسط رسپانس ٹائم سے 1022 افراد کو ریسکیو کیا۔
مئی میں ریسکیو 1122 کی ہیلپ لائن (مدد گار نمبر)پر 8169 کالز موصول ہوئیں، جن میں سے 1097 ایمرجنسی کالز تھیں۔ ریسکیو 1122 جہلم نے بروقت رسپانس کرتے ہوئے مجموعی طور پر 1022 لوگوں کو ریسکیو کیا اور ابتدائی طبی امداد فراہم کرنے کے بعد 904 مریضوں کو ہسپتال منتقل کیا۔
موصول ہونے والی 1097 ایمرجنسی کالز میں روڈ ٹریفک ایکسڈینٹ کی تعداد 237 تھی، میڈیکل ایمرجنسیز کی تعداد 632تھی، آگ لگنے کا واقعات 99 ہوئے، کرائم 13، ڈوبنے کے واقعات 2 اور متفرق ایمرجنسیز کی تعداد 114 رہی۔ ریسکیو 1122 نے ماہ مئی میں بھی بہتر رسپانس ٹائم کی روایت کو برقرار رکھا ایمبولینس کا اوسط رسپانس ٹائم 9 منٹ رہا اور فائر ایمرجنسیز کا اوسط رسپانس ٹائم 11 منٹ رہا۔
علاوہ ازیں پیشنٹ ٹرانسفر سروس کے تحت مریضوں کو بہتر طبی سہولیات فراہم کرنے کے لئے ضلع جہلم سے کل 131 مریضوں کو راولپنڈی، اسلام آباد، سرگودھا کے ہسپتالوں میں منتقل کیا گیا۔ اس کے علاوہ کمیونٹی سیفٹی ونگ ریسکیو 1122 جہلم کی جانب سے مختلف اداروں اور سکولز میں فرسٹ ایڈ کی تربیت بھی دی گئی۔
ڈسٹرکٹ ایمرجنسی آفیسر نے پورے ماہ میں ریسکیورز کی کارکردگی کو حوصلہ افزاء قرار دیا۔