سمندر پار پاکستانیوں کے مسائل کا تیز رفتار اور میرٹ پر حل کمیشن کی اولین ترجیح ہے۔ ڈپٹی کمشنر نعمان حفیظ
جہلم: بیرون ممالک مقیم پاکستانیوں کی شکایات کے ازالے کیلئے قائم اورسیز پاکستانیز کمیشن کا اجلاس ڈپٹی کمشنر نعمان حفیظ کی زیر صدارت منعقد ہوا جس میں تمام تحصیلوں کے اسسٹنٹ کمشنرز اور متعلقہ سرکاری محکموں کے افسران نے شرکت کی۔
ڈپٹی کمشنر نعمان حفیظ نے سمندر پار پاکستانیوں کے مسائل کے حل کے لئے متعلقہ محکموں کی کارکردگی کا جائزہ لیا۔ اورسیز پاکستانیز کمیشن کو سمندر پار پاکستانیوں کی طرف سے 542 شکایات موصول ہوئی جن میں سے 386 شکایات کو حل کر دیا گیا ہے ۔
ڈپٹی کمشنر نے اجلاس سے خطاب کرتے ہوئے کہا کہ سمندر پار پاکستانیوں کے مسائل کا تیز رفتار اور میرٹ پر حل کمیشن کی اولین ترجیح ہے تاکہ سمندر پار پاکستانیوں کے خاندانوں کو جلد از جلد اور مؤثر ریلیف کی فراہمی یقینی بنائی جا سکے ۔ انہوں نے کہا کہ بیرون ممالک مقیم پاکستانی ہمارا سرمایہ ہیں۔
انہوں نے اس امرکی تاکید کی کہ تمام تر قانونی تقاضوں کو پورا کرتے ہوئے مسائل کا حل ترجیحی بنیادوں پر یقینی بنایا جائے ۔