سوہاوہ کے علاقے ڈومیلی سے مبینہ طور پر گم ہونے والی 2 سالہ بچی کی نعش قریبی جنگل کے جوہڑ سے برآمد، اطلاع ملتے ہی پولیس کی بھاری نفری موقع پر پہنچ گئی، والدہ کی درخواست پر نامعلوم افراد کے خلاف مقدمہ درج کر لیا گیا۔
تفصیلات کے مطابق سوہاوہ کے نواحی علاقہ تھانہ ڈومیلی کی حدود پنگروٹ میں 2 بچی گزشتہ روزشام کے وقت گھر سے نکلی اور غائب ہو گئی تھی، جس پر بچی کی والدہ حفظہ بی بی کی مدعیت میں اغواء کا مقدمہ درج کیا گیا۔
ورثاء نے اپنے طور پر تلاش کیا تو معصوم بچی کی نعش قریبی جنگل کے جوہڑ سے برآمد ہوگئی، پولیس تھانہ ڈومیلی پولیس کے مطابق بچی اتنے دور اکیلی نہیں جا سکتی اس لیے معاملہ مشکوک نظر آ رہا ہے۔
پولیس نے بچی کی نعش تحویل میں لیتے ہوئے ضروری کارروائی کے بعد نعش ورثاء کے حوالے کر دی۔ بچی کا والد روز گار کے سلسلے میں بحر ین میں مقیم ہے۔