پنڈدادنخان میں ڈاکو گن پوائنٹ پر تیل سپلائی کرنے والی گاڑی سے ڈیڑھ لاکھ روپے لوٹ کر فرار

پنڈدادنخان میں ڈاکو گن پوائنٹ پر تیل سپلائی کرنے والی گاڑی سے ڈیڑھ لاکھ روپے لوٹ کر فرار، پولیس نے رپورٹ درج کر لی۔

تفصیلات کے مطابق تحصیل پنڈدادنخان میں مسلح ڈکیتوں کا سلسلہ تسلسل سے جاری ہے، تین ہفتوں میں مسلح ڈکیتی کا تیسرا واقعہ پیر چک موڑ تھانہ جلالپور شریف کی حدود میں پیش آیا، تیل سپلائی کرنے والی گاڑی نمبر ٹی بی 307 دھریالہ جالپ سے واپسی پر پیر چک موڑ پر پہنچے تو دو نامعلوم مسلح موٹرسائیکل سواروں نے گن پوائنٹ پر ڈیڑھ لاکھ روپے سے زائد رقم لوٹ لی اور باسانی فرار ہو گئے۔

چند دن قبل گولپور کے قریب پنڈدادنخان کے تاجر کو مسلح افراد نے گن پوائنٹ پر لوٹ لیا تھا جبکہ کسلیاں روڈ سے مسلح افراد موٹر سائیکل چھین کر فرار ہو گئے تھے۔ سماجی حلقوں نے اعلی حکام سے مطالبہ کرتے ہوئے کہا کہ ڈکیتی کی بڑھتی ہوئی واردتوں کی روک تھام کیلئے موثر اقدامات کئے جائیں۔