جہلم پولیس کا مختلف علاقوں میں سرچ آپریشنز، 3 ملزمان گرفتار، پولیس نے ملزمان کے خلاف مقدمات درج کر لئے۔
تفصیلات کے مطابق سٹی پولیس نے سرچ آپریشنز میں گھروں، کرایہ داروں کے کرایہ داری کوائف، دکانوں، ہوٹلز اور متعدد افراد کی چیکنگ کی، سرچ آپریشنز کے دوران بغیر کرایہ داری اندراج کے رہائش پذیر 2 ملزمان سمیت پیشہ ور بھکاری ملزم گرفتار کر لیا۔
گرفتار ملزمان میں کامران، عثمان اور کاشف شامل ہیں، پولیس نے ملزمان کے خلاف الگ الگ مقدمات درج کر لیے۔
ڈی پی او جہلم ناصر محمود باجوہ نے کہا کہ سرچ آپریشن کا مقصد سماج دشمن اور جرائم پیشہ عناصر کے خلاف کارروائی کر کے پر امن معاشرے کی تشکیل ہے۔
