دینہ پولیس نے ڈکیتی اور چوری کی وارداتوں میں ملوث زیرو گینگ پکڑ لیا، 5 ملزمان گرفتار، پولیس نے ملزمان سے مال مسروقہ برآمد کر لیا۔
تفصلات کے مطابق صداقت علی اے ایس آئی چوکی سٹی دینہ اور ٹیم نے اہم کارروائی کرتے ہوئے رابری اور موٹر سائیکل چوری کی وارداتوں میں ملوث زیرو گینگ کے 5 ملزمان جاوید اقبال، جہانزیب علی، شفیق، آصف مسیح اور علی عباس گرفتار کر لئے۔
ملزمان سے مسروقہ 4 موٹر سائیکل، نقدی 50 ہزار روپے، موبائل اور واردات میں استعمال ہونے والا اسلحہ پسٹل 2 عدد برآمد کر لئے گئے، ملزمان سے دوران تفتیش مزید انکشافات سامنے آئے، ملزمان کو ٹھوس شواہد کے ساتھ چالان عدالت کیا جائے گا۔
ڈی پی او جہلم ناصر محمود باجوہ نے صداقت علی اے ایس آئی اور ٹیم کو شاباش دی اور کہا کہ شہریوں کو قیمتی اثاثوں سے محروم کرنے والے کسی رعایت کے مستحق نہیں۔
