ڈالر کی اڑان؛ درسی کتب، اسٹیشنری، سکول بیگ اور یونیفارم کی قیمتوں میں بے پناہ اضافہ

جہلم: ڈالر کی مسلسل اونچی اڑان کے باعث تمام اقسام کے کاغذ کی قیمت میں 200 فیصد سے زائد کے اضافہ کے باعث اوپن مارکیٹ میں درسی کتب کا پیوں ، تمام اقسام کی سٹیشنری،سکول بیگ، یونیفارم، سکول شوز کی قیمتوں میں بے پناہ اضافہ کر دیا گیا۔

پٹرولیم مصنوعات اور سلنڈر گیس کی قیمت میں اضافہ سے طلبہ طالبات اور سرکاری ملازمین کی پک اینڈ ڈراپ سروس کی تمام ٹرانسپورٹ نے فی سواری 1000 روپے سے 2000 روپے کا اضافہ کر دیا ہے جس سے والدین کی چیخیں نکلنا شروع ہو چکی ہیں۔

دکانداروں نے بتایا کہ تمام اقسام کی درسی کتب کی قیمت میں 500 روپے سے 1700 روپے تک جبکہ کاپیوں رجسٹر، رف کاپی کی قیمت میں بھی سو فیصد اضافہ کیا گیا ہے، میٹرک کی سائنس پریکٹیکل کاپیوں کی قیمت 2500 روپے سے 3 ہزار روپے تک بڑھا دی گئی۔

ٹرانسپورٹر نے کہا کہ پٹرول ڈیزل میں یکمشت 35 روپے اضافے کے باعث کرایوں میں اضافہ مجبوری ہے۔