آئندہ تعلیمی سال کیلئے یکساں نصاب کا نوٹیفکیشن جاری، نئی کتابوں کی چھپائی کی منظوری
دینہ: پنجاب ٹیکسٹ بک بورڈ نے آئندہ تعلیمی سال کے لیے یکساں نصاب کا نوٹیفکیشن جاری کردیا۔
دوسرے مرحلے میں چھٹی سے آٹھویں جماعت تک یکساں نصاب کا نفاذ آئندہ تعلیمی سال سے ہوگا۔ یکساں نصاب کا اطلاق تمام سرکاری و نجی تعلیمی اداروں اور مدارس پر بھی ہوگا۔
دوستی جانب سنگل نیشنل کریکولم کے دوسرے فیز کیلئے پنجاب حکومت نے چھٹی سے آٹھویں جماعت تک نئی کتابوں کی چھپائی کی منظوری دیدی، مڈل کی نئی کتابیں آئندہ سال سے مارکیٹ میں دستیاب ہوں گی۔
حکومت پنجاب نے سنگل نیشنل کریکولم کے سیکنڈ فیز کی بھی منظوری دیدی ہے۔ پنجاب ٹیکسٹ بک بورڈ نے اگلے سال کے لیے سنگل نیشنل کریکولم کے تحت کتابوں کی تیاری شروع کردی ہے۔ حکومت کی تبدیلی کے باعث رواں تعلیمی سال میں یکساں نصاب کے دوسرے فیز پر عملدرآمد روک دیا گیا تھا۔
حکومت تبدیل ہونے کے بعد سمری کی منظوری نہیں ملی تھی، نہم اور دہم کی کتابیں تیسرے فیز کے تحت سنگل نیشنل کریکولم کے مطابق پبلش کی جائیں گی۔ نہم و دہم کی کتابیں سنگل نیشنل کریکولم کے تحت 2024ء میں شائع کی جائیں گی۔