جہلم: جہلم چیمبر آف کامرس اینڈ انڈسٹری کاتیسرا ماہانہ اجلاس زیر صدارت ملک خاور شہزاد منعقد ہوا، عہدیدران و ممبران کی کثیر تعداد میں شرکت، سیکرٹری جنرل اسامہ راشد ڈار نے کارروائی کے فرائض سر انجام دیئے۔
تفصیلات کے مطابق جہلم چیمبر آف کامر س اینڈ انڈسٹری کے کانفرنس ہال میں منعقد ہونے والے ماہانہ اجلاس کی کارروائی کا آغاز سیکرٹری جنرل اسامہ راشد ڈار نے کیا جبکہ تلاوت قرآن پاک کا شرف میاں ادریس کیانی کو حاصل ہوا، سیکرٹری جنرل اسامہ راشد ڈار نے پچھلی میٹنگ کی کارروائی کی ہاؤس سے منظوری حاصل کی اور اکتوبر کی مالیاتی رپورٹ پیش کی جس پر جہلم چیمبر آف کامرس اینڈ انڈسٹری کی ایگزیکٹو باڈی نے اطمینان کا اظہار کیا اور مالی رپورٹ کی منظوری دی۔
خافظ غلام مصطفیٰ نے سابق ایگزیکٹو ممبر ملک سرفراز کے والد محترم اور چیئرمین سٹینڈنگ کمیٹی انکم ٹیکس کارپوریٹ لاء محمد عرف شعیب کے والد محترم کی وفات پر فاتحہ خوانی کی اور ایگزیکٹو ممبر زاہد عمران چوہان کے والد محترم کی صحت کے لئے دعا کی۔
اجلاس میں صدر ملک خاور شہزاد، سینئر نائب صدر مظہر اکرام، نائب صدر خافظ غلام مصطفیٰ سابق صدر ڈاکٹر کوثر ناہید انور، سابق صدر عمر مشتاق برگٹ، ایگزیکٹو ممبر اسحاق ڈار، ایگزیکٹو ممبر امیر عرفان، ایگزیکٹو ممبر رانا ساجد حمید، ایگزیکٹو ممبر راجہ محمد اعجاز، ایگزیکٹو ممبر شبیر احمد، ایگزیکٹو ممبر چوہدری آفتاب احمد ساہی، ایگزیکٹو ممبر وقاص محمود، ایگزیکٹو ممبر غلام رسول، ایگزیکٹو ممبر شاہد علی رانا، ایگزیکٹو ممبر زین العابدین، ایگزیکٹو ممبر میاں محمد ادریس کیانی، ایگزیکٹو ممبر تیمور علی مخدوم اور زاہد حسین نے شرکت کی۔
میٹنگ کے اختتام پر حاجی زاہد حسین کے جانب سے میٹنگ کے شرکاء کے اعزاز میں ایک پرتکلف ظہرانہ دیا گیا، ظہرانے میں شرکت کرنے والوں میں سابق صدر شکیل احمد، سابق ایگزیکٹو ممبر حافظ مقصو د شفیق اور دیگر شامل تھے۔
