پنڈدادنخان کے علاقہ ٹوبھہ میں چوری کے الزام میں پانچویں جماعت کے طالب علم پر تشدد
پنڈدادنخان کے نواحی علاقہ ٹوبھہ میں بااثر افراد نے ظلم کی انتہا کردی، پانچویں جماعت کے طالب علم پر مبینہ تشدد، ملزمان زنجیر ڈال کر 9 سالہ عثمان کو گلی میں تشدد کا نشانہ بناتے ر ہے، پولیس نے مقدمہ درج کر کے دوملزمان کو گرفتار کر لیا۔
تفصیلات کے مطابق تحصیل پنڈدادنخان کے نواحی گاؤں ٹوبھہ میں افسوسناک واقعہ پیش آیا جہاں بااثر ملزمان پانچویں جماعت کے طالب علم کو زنجیر ڈال کر تشدد کرتے ر ہے، عثمان نامی پانچویں جماعت کا طالب علم سکول سے چھٹی پر گھر واپس آرہا تھا کہ ملزمان مدثر اور عرفان نے اس کو تشدد کا نشانہ بنایا اور لوہے کی زنجیر ڈال کر گلی میں تشدد کا نشانہ بنایا، تھانہ لِلہ پولیس نے بروقت کارروائی کرتے ہوئے ملزمان کو گرفتار کر لیا۔
ذرائع کے مطابق طالب علم کو چوری کے شبہ میں مبینہ تشدد کا نشانہ بنایا گیا۔ عوامی سماجی حلقوں نے ڈی پی او جہلم سے ملزمان کے خلاف قانون کے مطابق سخت کارروائی کا مطالبہ کیا ہے تاکہ آئندہ اس طرح کا انسانیت سوز واقع رونما نہ ہو۔