خصوصی افراد کی بحالی کے لیے حکومت پنجاب تمام تر ممکنہ اقدامات کر رہی ہے۔ محمد حاکم

جہلم: اسسٹنٹ کمشنر کوآرڈینیشن محمد حاکم کی زیرصدارت خصوصی افراد کے مسائل کو ترجیحی بنیادوں پر حل کرنے کے سلسلے میں ڈسٹرکٹ ریڈریسل کمیٹی برائے ڈس ایبل پرسنز کا اجلاس منعقد ہوا۔

اجلاس میں محکمہ سوشل ویلفیئر، محکمہ لیبر، انفارمیشن کے علاوہ خصوصی افراد کے نمائندگان نے شرکت کی۔ اسسٹنٹ کمشنر کوآرڈینیشن نے خصوصی افراد کے فوکل پرسنز سے مسائل سن کر ان کے فوری حل کے لئے متعلقہ افسران کو ہدایت جاری کیں۔

اسسٹنٹ کمشنر کوآرڈینیشن کا کہنا تھا کے خصوصی افراد کی بھرتیوں کے سلسلے میں ہرگز سمجوتہ نہیں کیا جائے گا اور تمام خالی سیٹس پر تعیناتی میریٹ کی بنیاد پر ہو گی، سرکاری اور نجی اداروں میں خصوصی افراد کے 3% بھرتی کوٹہ کو یقینی بنایا جائے گا، اس کے علاوہ رعایتی ٹرانسپورٹ کارڈ کے حوالے سے جو بھی مسائل ہیں انکو دور کیا جائے، ایسے ٹرانسپورٹرز جو خصوصی افراد کے ساتھ بدتمیزی سے پیش آتے ہیں انکی فوری نشاندہی کی جائے ان کے ساتھ سختی سے نمٹا جائے گا۔

اسسٹنٹ کمشنر کوآرڈینیشن نے کہا کہ خصوصی افراد کی بحالی کے لیے حکومت پنجاب تمام تر ممکنہ اقدامات کر رہی ہے اور حکومتی پالیسی کے مطابق خصوصی افراد کی ویلفیئر کا کام جاری رکھا جا ئے گا اور ان کی اہلیت اور قابلیت کے مطابق تمام سرکاری اور غیر سرکاری اداروں میں تین فیصد کوٹہ پر بھرتی کو یقینی بنانے کے لیے ہر ممکن اقدامات اٹھائے جائیں گے۔