رمضان ریلیف پیکیج: یوٹیلیٹی اسٹورز میں 19 اشیاء پر 5 ارب کا پیکیج
جہلم: رمضان ریلیف پیکیج کے تحت یوٹیلیٹی سٹورز پر 19 اشیاء پر 5 ارب کا پیکیج 2 طبقات میں تقسیم ہوگا جس کے تحت بی آئی ایس پی 1 ارب 15 کروڑ ، عام صارفین کو 3 ارب 84 کروڑ کا ریلیف ملے گا۔
یوٹیلیٹی سٹورز ذرائع کے مطابق رمضان ریلیف پیکیج کا 20 مارچ سے آغاز ہوگا، یوٹیلیٹی سٹورز پر 19 اشیاء پر 15 ارب کا پیکیج 2 طبقات میں تقسیم ہوگا۔ بی آئی ایس پی 1 ارب 15 کروڑ، عام صارفین کو 3 ارب 84 کروڑ کا ریلیف ملے گا ، غریب طبقے کو گھی پر 100 ، آٹا 52 ، چینی پر 30 روپے سبسڈی ملے گی ، 10 کلو آٹے کا تھیلا 400 روپے، گھی 300 ، چینی 70 روپے کلو ملے گی، عام صارفین کو آٹے پر 27 روپے، چینی 11 اورگھی پر 25 روپے کلو سبسڈی ملے گی۔
عام صارف کو 10 کلو آٹا 648 ، گھی 490 ، چینی 89 روپے کلو میسر ہو گی ، تمام صارفین کو دالوں پر 20 روپے فی کلو سبسڈی دی جائے گی ، کوکنگ آئل پر 25 ، بیسن، کھجور 50 ، مشروبات 15 سے 30 فیصد ریلیف دیا جائے گا، چائے کی پتی پر 100 دودھ ، بلیک ٹی پر 30 روپے اور مصالحوں پر 10 فیصد رعایت ہوگی۔