ڈپٹی کمشنر جہلم نعمان حفیظ نے تمام دکانداروں اور شوگرز ڈیلرز کو ہدایت کی ہے کہ وہ چینی 90 روپے فی کلو کے حساب سے فروخت کریں۔
انہوں نے کہا کہ اگر کوئی دکاندار گراں فروشی یا ذخیرہ اندوزی میں ملوث پایا گیا اس کے خلاف سخت قانونی کارروائی عمل میں لائی جائے گی۔
ڈپٹی کمشنر جہلم نے تمام پرائس کنٹرول مجسٹریٹس کو بھی ہدایت کی ہے کہ وہ اپنا زیادہ وقت مارکیٹس میں گزاریں اور چینی کی سرکاری نرخوں پر دستیابی کو یقینی بنائیں۔