جہلم: صدر پولیس کا سٹہ بازوں کے خلاف کریک ڈاؤن، تاش و گولی دانہ پر جواء کھیلنے والے 10 سٹہ باز گرفتار،آلات سٹہ بازی و داؤ پر لگی رقم برآمد، پولیس نے مقدمہ درج کر لیا۔
تفصیلات کے مطابق تاش پر جواء کھیلنے والے ملزمان میں پرویز، سیموئیل، صادق، نیئل، نعیم، یوسف ناز، یوسف مسیح، زبیر، رزاق مسیح، جارج کھوکھر شامل ہیں، ملزمان سے داؤ پر لگی رقم 23250 روپے، 7 موبائلز، تاش کی ڈبیاں، گولی دانہ اور تاش کے پتے اور چادر برآمد کر لیے۔
ڈی پی او جہلم ناصر محمود باجوہ نے حکم دیا کہ قمار بازی معاشرتی برائیوں اور جرائم کی جڑ ہے، جس کے خلاف کارروائیاں جاری رہیں گی، ڈی پی او جہلم نے ایس ایچ او صدر اور ٹیم کو شاباش دی۔
