جہلم میں غیر قانونی پٹرول پمپ بنا کر پٹرول بیچنے والے 2 ملزمان گرفتار

جہلم: ایس ایچ او کالا گجراں کی اہم کارروائی، غیر قانونی پٹرول پمپ بنا کر پٹرول بیچنے والے 2 ملزمان گرفتار، غیر قانونی پٹرول، 2 پٹرول ٹینک،2آٹومیٹک مشین و آلات برآمد، پولیس نے مقدمہ درج کر لیا۔

تفصیلات کے مطابق ایس ایچ او کالا گجراں احسان عباس اور ٹیم نے اہم کارروائی کرتے ہوئے غیر قانونی پٹرول پمپ بنا کر پٹرول بیچنے والے 2 ملزمان گرفتارکر لیے، ملزمان علی اور زبیر نے کالا گجراں کے علاقہ میں غیر قانونی پٹرول پمپ بنا رکھا تھا، ملزمان لوگوں کی جان و مال کو خطرہ میں ڈال کر غیر قانونی طور پر پٹرول سپلائی کرتے تھے۔

ملزمان سے 158 لیٹر غیر قانونی پٹرول، پٹرول ٹینک و آلات برآمد کر کے مقدمہ درج کیا جا رہا ہے، ڈی ایس پی صدر میاں عبدالجباد کی ایس ایچ او کالا گجراں اور ٹیم کو شاباش دی۔

ڈی پی او جہلم ناصر محمود باجوہ نے کہا کہ شہریوں کی جان و مال کو خطرہ میں ڈالنے والے قانون کی گرفت سے نہیں بچ سکتے۔