جہلم سمیت ضلع بھر میں جان بچانے والی ضروری ادویات کی قلت شدت اختیار کرنے لگی

جہلم سمیت ضلع بھر میں جان بچانے والی ضروری ادویات کی قلت شدت اختیار کرنے لگی۔ دوا ساز کمپنیوں کی جانب سے دوائیوں کی غیر اعلانیہ پیداوار روکنے سے زندگیاں بچانے والی ادویات سمیت متعدد دوسری دوائیں بھی نایاب ہوگئیں۔

محکمہ صحت کے زرائع کے مطابق صوبے کے 41 اضلاع کے میڈیکل اسٹورز اور فارمیسیز پر کینسر، امراض قلب، اعصابی عارضے کے علاج کے لیے ادویات سمیت متعدد ضروری اینٹی بائیوٹک بھی دستیاب نہیں ۔

ملک بھر کی طرح جہلم ضلع بھر میں جان بچانے والی ادویات کی شدید قلت کی وجہ سے فارماسیوٹیکل کے نمائندگان کے مطابق دواؤں کی پیداواری لاگت حکام کی طرف سے دی گئی قیمت سے زیادہ ہے جس کے باعث ملٹی نیشنل اور مقامی فارماسیوٹیکل کمپنیوں نے ضروری ادویات کی تیاری عارضی طور پر بند کر دی ہے۔

حکام نے خبردار کیا ہے کہ ادویات کی قلت سے سنگین نتائج کا سامنا کرنا پڑ سکتا ہے۔