جہلم: ضلعی انتظامیہ جہلم عوام کو مہنگائی سے نجات دلانے کے لئے ضلع بھر میں گرانفروشوں کے خلاف روزانہ کی بنیاد پر قانونی کارروائی کا عمل جاری رکھے ہوئے ہے تاکہ کوئی دکاندار اشیاء ضروریہ کے مقررہ نرخوں سے زائد قیمت وصول کر کے عوام کا استحصال نہ کر سکے۔
ڈپٹی کمشنر نعمان حفیظ کی ہدایت پر جہلم اور تحصیلوں میں اسسٹنٹ کمشنرز اور سپیشل پرائس مجسٹریٹس نے گزشتہ ایک ہفتے کے دوران 2002 چھاپے مارکر 145 خلاف ورزیاں پکڑی ہیں جس پر گراں فروشوں کو مجموعی طور پر 6 لاکھ 43 ہزار روپے کے جرمانے کئے گئے ہیں جبکہ 31 دکانداروں کو گرفتار کیا گیا ہے۔