دینہ

نہم و دہم کے خراب نتائج پر اساتذہ کا معاوضہ روک لیا گیا

دینہ: تعلیمی بورڈ نے نہم و دہم کے خراب نتائج پر ہزاروں اساتذہ کا معاوضہ روک لیا۔

تفصیلات کے مطابق غلط مارکنگ کرنے پر معاوضوں میں 45 فیصد کٹوتی کرنے کا امکان، ایگزمینرز معاوضوں کے حصول کیلئے خوار، بورڈ حکام کا کہنا ہے کہ غلط مارکنگ کا ذمہ دار ٹیچر ہے، ری چیکنگ کا سلسلہ جاری ہے جس کے بعد اساتذہ کو معاوضوں کی ادائیگی کر دی جائیں گی۔

نہم و دہم کے پیپر چیک کرنیوالے 15 ہزار سے زائد اساتذہ معاوضوں کے حصول کیلئے خوار ہوگئے، تعلیمی بورڈ نے نہم و دہم کے خراب نتائج پر ہزاروں اساتذہ کا معاوضہ روک لیا۔ پیپر مارکنگ والے اساتذہ معاوضوں کے حصول کیلئے تعلیمی بورڈ کے دفاتر میں چکر لگانے پر مجبور ہیں۔ غلط مارکنگ کرنیوالے اساتذہ کے معاوضوں میں سے 45 فیصد کٹوتی کیے جانے امکان ہے۔

رزلٹ آئے ایک ماہ سے زائد کا وقت گزر گیا لیکن ایگزمینرز کو معاوضہ ادا نہیں ہو سکا۔ یاد رہے کہ میٹرک کا رزلٹ 31 اگست اور نہم کے رزلٹ اعلان 19 ستمبر کو کیا گیا۔ ایگزمینرز نے معاوضوں کی فی الفور ادائیگی کا مطالبہ کیا ہے۔

دوسری جانب بورڈ حکام کا کہنا ہے کہ پیپروں کی ری چیکنگ کا سلسلہ جارہی ہے، غلط مارکنگ کا ذمہ دار ٹیچر ہے، ری چیکنگ کے فوراً بعد معاوضوں کی ادائیگی کردی جائے گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button