مری میں 8 جنوری کو کلنڈنہ اور جھیکا گلی کے قریب شدید برف کے باعث سڑک پر گاڑیوں میں محصور ہو کر سردی اور دم گھٹنے سے 22 افراد لقمہ اجل بن گئے تھے۔
اس سانحے پر ملک میں کام کرنے والی ٹیلی کام کمپنیوں نے مفت کالز کے مختلف اعلانات کیے ہیں تاکہ ان سروسز کے صارفین کو کسی قسم کی پریشانی کا سامنا نہ ہو بلکہ وہ اپنے پیاروں سے رابطے میں رہ سکیں
ان کمپنیوں کی جانب سے صارفین کو اس مشکل وقت میں کیا سہولیات فراہم کی جارہی ہیں، ان کے بارے میں جانیں۔
جاز
جاز کو ملک میں سب سے بڑی ٹیلی کام کمپنی تصور کیا جاتا ہے اور مری میں قدرتی آفت کو دیکھتے ہوئے اس نے ایک اہم اعلان کیا۔
ٹوئٹر پر ایک پیغام میں کمپنی نے کہا کہ اس مشکل وقت میں مری اور نتھیا گلی میں جاز سے جاز کالز کو مفت کیا جارہا ہے۔
To facilitate people in #Murree and #Nathiagali during this emergency, all Jazz to Jazz calls are free. Despite extremely challenging conditions, all efforts are being made to keep Jazz network up and running in calamity-hit areas.@PTAofficialpk @MoitOfficial
— Jazz (@jazzpk) January 9, 2022
کمپنی کے مطابق مشکل حالات کے باوجود نیٹ ورک کو متاثرہ علاقوں میں کام جاری رکھنے کے لیے تمام تر اقدامات کیے جارہے ہیں۔
ٹیلی نار
اس کمپنی کی جانب سے مشکل وقت میں مری اور نتھیا گلی مین موجود افراد کے لیے اپنے پیاروں سے رابطے کے لیے مفت ٹیلی نار سے ٹیلی نار کالز کی سہولت فراہم کی جارہی ہے۔
Telenor is with you! 💙
In this hour of need, Telenor-to-Telenor calls are free for all users in #Murree and #Nathiagali today.
Stay safe and connected to your loved ones #MOREseZyada
— Telenor Pakistan (@telenorpakistan) January 9, 2022
اس بات کا اعلان ٹیلی کام کمپنی نے سوشل میڈیا سائٹ ٹوئٹر پر اپنے ایک پیغام میں کیا جس کے مطابق یہ سہولت 9 جنوری یعنی اتوار کو دستیاب ہوگی۔
یوفون
یوفون کی جانب سے بھی ٹوئٹر پر اسی طرح کا اعلان کیا گیا۔
ٹوئٹ میں کمپنی نے بتایا کہ مری، نتھیا گلی اور مضافات میں مشکل کے شکار یوفون صارفین *4357# ڈائل کرکے مفت یوفون اور پی ٹی سی ایل منٹس حاصل کرسکتے ہیں۔
#Murree, #Nathiagali aur mazafaat mein mushkil mein phansay Ufone customers dial karein *4357# aur payein Muft Ufone & PTCL Mins, taakay aap apno se rabtay mein reh sakein. @PTAofficialpk @MoitOfficial
— Ufone 4G (@Ufone) January 9, 2022
کمپنی کے مطابق اس کا مقصد لوگوں کو پیاروں سے رابطے میں مدد فراہم کرنا ہے۔
زونگ
کمپنی نے 3 دن کے لیے 100 مفت منٹ فراہم کرنے کا اعلان کیا ہے۔
In this time of suffering, #Zong4G is providing 100 free Zong minutes with seamless connectivity for 3 days. We are putting in all our efforts to help you stay connected to your families, while in the crisis zone at #Murree #Nathiagali #LetsGetDigital
— Zong (@Zongers) January 9, 2022
کمپنی کی جانب سے کیے گئے ٹوئٹ کے مطابق یہ سہولت مری اور نتھیا گلی کے علاقوں میں موجود افراد کے لیے 3 دن تک برقرار رہے گی اور متاثرہ افراد کو خاندانوں سے رابطے کو برقرار رکھنے کے لیے تمام اقدامات کیے جائیں گے۔