پنڈدادنخان میں موٹرسائیکل سوار ڈاکوؤں نے لفٹ دینے کے بہانے شہری کو لوٹ لیا

پنڈدادنخان: ٹوبھہ اتھر روڈ پر مسلح ڈکیتی، نامعلوم موٹرسائیکل سوار ڈاکوؤں نے لفٹ دینے کے بہانے شہری کو گن پوائنٹ پر لوٹ لیا۔

تفصیلات کے مطابق پنڈدادنخان کے نواحی علاقہ میں ٹوبھہ اتھر روڈ پر نامعلوم مسلح افراد نے لفٹ دینے کے بہانے عبداللہ نامی شخص کو ٹوبھ ریلوے پھاٹک کے قریب گن پوائنٹ پر لوٹ لیا۔

نامعلوم مسلح افراد نے عبداللہ نامی شخص جو بھلوال سے اتھر گاؤں جا رہا تھا ٹوبھہ سٹاپ سے اتھر گاؤں کیلئے لفٹ دی، ٹوبہ ریلوے پھاٹک کے قریب گن پوائنٹ پر موبائل فون اور نقدی چھین کر فرار ہو گے۔

ٹوبھہ احمد آباد روڈ پر مسلح ڈکیتی کے متعدد واقعات پیش آ چکے ہیں، سماجی حلقوں نے اعلی حکام سے اصلاح حال کا مطالبہ کیا ہے۔