الفلاح فاؤنڈیشن پاکستان کے تحت فری میڈیکل کیمپ کا انعقاد
دینہ: الفلاح فاؤنڈیشن پاکستان کے تحت فری میڈیکل کیمپ کا انعقاد ، کیمپ میں سینئر ڈاکٹرز نے شر کت کر کے سینکڑوں مرد و خواتین مریضوں کا چیک اپ اور فری ادویات فراہم کیں، کیمپ میں علاقہ معززین کی کثیر تعداد نے بھی شرکت کی۔
تفصیلات کے مطابق الفلاح فاؤنڈیشن پاکستان کے زیر اہتمام بمقام رہائش اسد شاہ شاہ سفیر سوہاوہ میں میڈیکل کیمپ کا انعقاد کیا گیا، کیمپ میں ماہر ڈاکٹرز چائلڈ سپیشلسٹ، آنکھوں کے سپیشلسٹ، فزیو تھراپسٹ کی ٹیم نے بلا معاوضہ مستحق عوام کی امراض کی تشخیص کے بعد سینکڑوں مریضوں کو فری ادویات فراہم کیں۔
مریضوں نے الفلاح فاؤنڈیشن پاکستان کا شکریہ ادا کیااور شیخ سلسلہ نقشبندیہ اویسیہ کو ڈھیروں دعائیں دیں، الفلاح فاؤنڈیشن کے ذمہ داران نے کہا کہ ہم مریضوں کے چیک اپ کے لیے اس طرح کے بے شمار فری میڈیکل کیمپ کا انعقاد زیر نگرانی شیخ سلسلہ عالیہ امیر عبدالقدیر اعوان مد ظلہ العالی الفلاح فاؤنڈیشن پاکستان کے پلیٹ فارم سے کرتے رہیں گے۔