جہلم: چوہدری فراز حسین نے کہا کہ ماہ رمضان میں مومنوں کا رزق کشادہ کر دیا جاتا ہے روزہ فاقہ کشی کا نہیں حصول تقویٰ کا نام ہے ہر چیز کی زکوٰۃ ہوتی ہے اور بدن کی زکوۃ روزہ ہے ماہ رمضان میں مومنوں کا رزق کشادہ کر دیا جاتا ہے مسلمان اپنی زبان کو جھوٹ، غیبت، لڑائی جھگڑے سے پاک رکھیں، اپنا اخلاق بہتر بنائیں۔
پاکستان تحریک انصاف کے ضلعی جنرل سیکرٹری چوہدری فراز حسین نے اپنے ایک بیان میں کہا کہ روزہ برائیوں اور دوزخ سے بچنے کیلئے ایک ڈھال ہے اپنے تمام اعضا، اپنی سوچوں اور اپنے خیالوں کو دنیاوی آسائشوں سے محفوظ رکھنے کا نام روزہ ہے، رمضان المبارک کا مہینہ مسلمانوں کیلئے ایک مکمل ٹریننگ ہوتی ہے جو انہیں مذہبی، اخلاقی، روحانی، معاشرتی اور ہر لحاظ سے بہترین بنانے میں اہم کردار ادا کرتا ہے۔
انہوں نے مزید کہا کہ ماہ رمضان میں اللہ پاک اپنے بندوں کو ایک نیکی کے بدلے کئی گنا بڑھا کر نیکیوں کا اجر عطا کرتا ہے۔ چھوٹی سی چھوٹی نیکی کو بھی معمولی نہ سمجھیں،نیکی کا جو موقع ملے اس سے بھر پور فائدہ اٹھایا جائے، روزے سے فقط فاقہ کشی حاصل کرنے کی بجائے صبر، تقوی، رضائے الٰہی کے حصول سمیت دیگر اخلاقی صفات کو اپنے اندر پیدا کیا جائے۔ ایک دوسرے کیلئے احترام، ہمدردی اور محبت کے جذبات کو فروغ دیا جائے۔
