جہلم
الیکشن کمیشن کا جنرل الیکشن میں استعمال ہونے والے نتائج مینجمنٹ سسٹم کا تھرڈ پارٹی آڈٹ کرانے کا فیصلہ
جہلم: الیکشن کمیشن نے جنرل الیکشن میں استعمال ہونے والے نتائج مینجمنٹ سسٹم کا تھرڈ پارٹی آڈٹ کرانے کا فیصلہ کیاہے۔
تفصیلات کے مطابق الیکشن کمیشن آف پاکستان نے آئندہ جنرل انتخابات کی تیاریاں تیز کرتے ہوئے جنرل انتخابات میں نتائج کی وصولی کیلئے نیا سسٹم تیار کر لیا ہے۔
الیکشن کمیشن نے رزلٹ مینجمنٹ سسٹم کے عام انتخابات میں استعمال کا تھرڈ پارٹی آڈٹ کرانے کا فیصلہ کیا ہے، تھرڈ پارٹی آڈٹ کے بعد آر ایم ایس کو سرٹیفائیڈ فرم سے الگ تیار کرایا جائے گا۔ نئے رزلٹ مینجمنٹ سسٹم کا کامیاب ٹرائل بھی کر لیا گیا ہے۔
سرٹیفائیڈ فرم سے آر ایم ایس کی تیاری کا مقصد نظام کا بیک اپ رکھنا ہے، نئے آر ایم ایس میں نتائج کی پولنگ سٹیشن وائز وصولی، پارٹی پوزیشن ٹرن آؤٹ سمیت دیگر آپشنز موجود ہوں گے۔