جہلم: شہر اور گردونواح میں لڑکوں کا شارٹ کٹ لباس کے استعمال اور نوجوان لڑکوں کے فیشل کروانے کے باعث فحاشی معاشرتی برائیوں کو فروغ مل رہا ہے۔
ان خیالات کا اظہار شہر کی سماجی، رفاعی، فلاحی، مذہبی تنظیموں کے عمائدین نے اخبار نویسوں سے خصوصی گفتگو کرتے ہوئے کیا۔ انہوں نے کہا کہ شارٹ پاجامہ، ٹراوزر پہن کر اور چہروں کے فیشل کروا کر گھومنے پھرنے والے نوجوانوں کا محاسبہ ہونا چاہیے۔
انہوں نے کہا کہ والدین کابھی فرض ہے کہ وہ برہنہ لباس کو پہننے سے اپنے بچوں کو روکیں جو کہ معاشرے میں بگاڑ کا باعث بن رہے ہیں، اسلامی معاشرے کے قیام کے لئے ہم سب کو اپنا اپنا کردار ادا کرنا چاہیے۔
انہوں نے کہا کہ بہتر تو یہی ہے کہ اس لباس کی فروخت اور استعمال پرسرکاری سطح پر پابندی عائد کی جائے تاکہ عریانی و فحاشی کا خاتمہ ممکن ہو سکے۔
