ایس پی انوسٹی گیشن جہلم ڈاکٹر انعم فریال کی جانب سے تھانہ سٹی میں کھلی کچہری کا انعقاد
جہلم: ایس پی انوسٹی گیشن جہلم ڈاکٹر انعم فریال کی جانب سے تھانہ سٹی میں کھلی کچہری کا انعقاد کیا گیا۔
ایس پی انوسٹی گیشن نے کھلی کچہری میں آنے والے شہریوں کی شکایات سن کر ان کے حل کے لیے متعلقہ افسران کو احکامات جاری کیے، مارک کر دی درخواستوں پر دئیے گئے ٹائم فریم میں قانونی کارروائی کر کے رپورٹ پیش کرنے کی ہدایات دیں۔
ایس پی انوسٹی گیشن جہلم ڈاکٹر انعم فریال نے کہا کہ تھانہ کی سطح پر سروس ڈیلیوری کو ہر صورت یقینی بنائیں،تمام تھانوں کے ایس ایچ اوزدن تین بجے سے شام چھ بجے تک اپنے اپنے دفاتر میں موجود رہتے ہوئے شہریوں سے ملاقات کریں اور ان کے مسائل کے حل کو یقینی بنائیں۔
انہوں نے کہا کہ انسپکٹر جنرل آف پولیس پنجاب کے ویژن کے مطابق شہریوں کے شکایات کے بروقت ازالے کو یقینی بنایا جائے گا، اس حوالے سے کسی قسم کی غفلت و لاپرواہی قطعی برداشت نہیں کی جائے گی۔ جہلم پولیس شہریوں کے تحفظ، خدمات کی فراہمی اور بہترین سروس ڈیلیوری کو یقینی بنانے کے لیے تمام اقدامات اٹھا رہی ہے۔