الیکشن شیڈول کے اعلان کے بعد اسسٹنٹ کمشنر دینہ تبدیل

دینہ: پنجاب حکومت نے الیکشن شیڈول کے اعلان کے بعد اسسٹنٹ کمشنر دینہ سمیت 15 اسسٹنٹ کمشنرز کے تقررو تبادلوں کے احکامات جاری کر دیئے۔

محکمہ سروسز اینڈ جنرل ایڈمنسٹریشن ڈیپارٹمنٹ کی جانب سے اسسٹنٹ کمشنرز کے تقرر و تبادلوں کا نوٹیفکیشن جاری کر دیا گیا۔

نوٹیفکیشن کے مطابق انزعباسی اسسٹنٹ کمشنر دینہ کا تبادلہ کر کے انہیں اسسٹنٹ کمشنر فتح جھنگ تعینات کر دیا گیا جبکہ ان کی جگہ سعدیہ ڈوگر کو اسسٹنٹ کمشنر دینہ تعینات کیا گیا ہے۔

سرمد حسین کو اسسٹنٹ کمشنر جھنگ تعینات کر دیا گیا، ثمینہ بشیر سیکشن آفیسر ایڈمن ون کو اسسٹنٹ کمشنر چکوال، احمد شیر کو اسسٹنٹ کمشنر بہاولپور صدر تعینات جبکہ بابر علی سیکشن آفیسر کیبنٹ ٹو کا تبادلہ کر دیا گیا۔

پنجاب حکومت کے نوٹیفکیشن کے مطابق بابر علی کو اسسٹنٹ کمشنر لاہور سٹی تعینات کیا گیا ہے جبکہ کیپٹن ریٹائرڈ عبدالوہاب خان اسسٹنٹ کمشنر مری اور فیصل احمد اسسٹنٹ کمشنراحمد پور ایسٹ تعینات کیے گئے ہیں۔

نوٹیفکیشن میں کہا گیا ہے کہ ذوالقرنین سلیم اسسٹنٹ کمشنر جام پور، آفتاب احمد ڈوگر اسسٹنٹ کمشنر روجھان، اریج علی حیدر گوندل اسسٹنٹ کمشنر فیصل آباد صدر اور سلمان قیوم شیخ اسسٹنٹ کمشنر نارووال میں فرائض سرانجام دیں گے۔

اسسٹنٹ کمشنر کوٹ رادھا کشن ماہین فاطمہ کو عہدے سے ہٹا کر ماہم مشتاق کو اسسٹنٹ کمشنر کوٹ رادھا کشن تعینات کیا گیا ہے جبکہ محمد ثاقب کو اسسٹنٹ کمشنر تلہ گنگ تعینات کیا گیا ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button