دینہاہم خبریں

پی ٹی آئی کے خلاف سازشیں کی جارہی ہیں، شاہ محمود قریشی

دینہ: سابق وزیر خارجہ اور پاکستان تحریک انصاف کے وائس چیئرمین شاہ محمود قریشی نے دعویٰ کیا ہے کہ ان کی پارٹی کے خلاف سازشیں کی جارہی ہیں۔

دینہ میں لانگ مارچ کے شرکاء سے خطاب کرتے ہوئے انہوں نے کہا کہ پی ٹی آئی کا کارواں پورے ملک سے گزر کر منزل کی جانب گامزن ہے اور ملک میں تبدیلی آ چکی ہے۔

وائس چیئرمین تحریک انصاف شاہ محمود قریشی کا کہنا ہے کہ حکمران اتحاد کہا رہا ہے ہم ملک کا امن تباہ کرنے نکلے ہیں، کہا جا رہا ہے کہ پی ٹی آئی والے ملک میں افرا تفری پھیلانے نکلے ہیں لیکن میرا جواب ہے نہیں، ہم ذاتی مقصد کیلئے لانگ مارچ لیکر نہیں نکلے۔


شاہ محمود قریشی نے دینہ میں لانگ مارچ کے شرکاء سے خطاب کرتے ہوئے کہا کہ ہمارا مقصد وہی ہے جس کیلئے عمران خان نے پی ٹی آئی کی بنیاد رکھی،عرصہ دراز سے عمران خان لوگوں کو اپنی جدوجہد میں شامل کرنے کی کوشش کر رہا تھا، دینہ میں تبدیلی آ نہیں رہی، تبدیلی آ گئی ہے۔

انہوں نے کہا کہ تحریک انصاف کیخلاف سازش ہو رہی ہے، کئی دنوں سے قافلہ مختلف شہروں سے ہوتا ہوا دینہ پہنچا ہے۔


شاہ محمود قریشی نے دینہ میں خطاب کرتے ہوئے کہا کہ اس ملک کی آخری امید عمران خان ہے جس کو راستے سے ہٹانے کی کوشش ہو رہی ہے لیکن یہ کام اتنا آسان نہیں ہے، عمران خان ایک جذبے اور جرات کا نام ہے اور خان نے عوام کوجو شعور اور آگہی فراہم کی ہے۔

انہوں نے کہا کہ آج چوروں کو دنیا بھر میں منہ چھپانے کی جگہ نہیں مل رہی، شہر شہر عوام نے اپنے لیڈر ان کا استقبال کرکے ثابت کیا کہ وہ اب فرسودہ نظام کے حامی نہیں رہے اگر حکومت کی اتنی حمایت ہے تو الیکشن کا اعلان کرنے سے کیوں خوفزدہ ہیں، مرد بنو الیکشن کا اعلان کرو گھوڑا بھی حاضر ہے اور میدان بھی۔


وائس چیئرمین پی ٹی آئی نے کہا کہ شیر شیر کے نعرے لگانے سے گیڈر شیر نہیں بن جاتے شیر بننے کیلئے میدان میں کھڑا ہونا پڑتا ہے لندن کے محلات میں چھپ کر بیان دے کرشیر نہیں بن سکتے، ہر پاکستان اس حقیقی آزادی مارچ کا حصہ بنے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button