سابق وفاقی وزیر فواد چوہدری کی اہلیہ حبا فواد نے پاکستان تحریک انصاف کے رہنما شہبازگل کے بیان پر ردعمل کا اظہار کیا ہے۔
حبا فواد چوہدری نے ایکس (ٹوئٹر) پر شہباز گل کے جواب میں کہا کہ امریکا میں بیٹھ کر وفاداری دکھانا تو بہت آسان ہے، وفاداری ہوتی تو آپ آج اٹک جیل کے باہر کھڑے ہوتے۔
انہوں نے کہا کہ یہ کیا وفاداری؟ عمران خان اقتدار میں تو آپ امریکا سے اسلام آباد آگئے، وہ جیل گئے تو آپ امریکا پہنچ گئے۔
امریکہ بیٹھ کر وفاداری دکھانا تو بہت آسان ہے، وفاداری ہوتی اگر آپ آج اٹک جیل کے باہر کھڑے ہوتے، یہ کیا وفاداری ہوئ کہ عمران خان اقتدار میں آئے آپ امریکہ سے اسلام آباد آگئے اور وہ جیل گئے تو آپ امریکہ پہنچ گئے؟ اسد صاحب اور فواد پاکستان میں ہیں پاسپورٹ بدل کر امریکہ نہیں پہنچ گئے https://t.co/7OuAYv2Rn8
— Hiba Fawad Chaudhary (@HibaFawadPk) September 17, 2023
ان کا کہنا تھاکہ اسد عمر اور فواد پاکستان میں ہیں، پاسپورٹ بدل کر امریکا نہیں پہنچ گئے۔
اس کے علاوہ حبا فواد نے گل کو امریکا سے واپس لاؤ کا ہیش ٹیگ بھی استعمال کیا۔
