جہلم: بے روزگار نوجوانوں کیلئے خوشخبری، 16 ہزار اساتذہ کی سمری کے بعد سکولوں کیلئے 11 ہزار سے زائد نان ٹیچنگ سٹاف بھرتی کرنے کی سمری بھی منظور کرلی گئی، صوبائی وزیر تعلیم مراد راس کا کہنا ہے کہ بھرتیوں کا آغاز جلد کیا جائے گا۔
ذرائع کے مطابق 16 ہزار اساتذہ کی بھرتیوں کی سمری کی منظوری کے بعد ایک اور اعلان کر دیاگیا، سکولوں کیلئے 11 ہزار سے زائد نان ٹیچنگ سٹاف بھرتی کیا جائے گا، سکول ایجوکیشن ڈیپارٹمنٹ نے نان ٹیچنگ سٹاف اور کلاس فور کی سمری منظور کر لی، سکول ایجوکیشن ڈیپارٹمنٹ نے سمری دستخط کے بعد وزیراعلیٰ کو بھجوا دی، منظوری کے بعد بھرتیوں کا آغاز کر دیا جائے گا۔
سکول ایجوکیشن کے مطابق امیدواروں کا ٹائپنگ ٹیسٹ اور انٹرویو لیا جائے گا، ٹیسٹ اور انٹرویو کیلئے شیڈول وزیراعلیٰ کی جانب سے سمری کی منظوری کے بعد کیا جائے گا، مذکورہ بھرتیاں گریڈ 1 سے 4 تک کی جائیں گی،بھرتی کیلئے تعلیمی قابلیت مڈل اور میٹرک رکھی جائے گی۔