جہلم: چیئرمین پی ٹی آئی عمران خان 29 اگست کو جہلم میں جلسے سے خطاب کریں گے۔
تفصیلات کے مطابق تحریک انصاف کی جانب سے ملک گیر جلسوں کا اعلان کردیا گیا ہے جس کے تحت چیئرمین پی ٹی آئی عمران خان جہلم سمیت ملک کے 17 شہروں میں جلسوں سے خطاب کریں گے۔
29اگست بروز سوموار عمران خان جہلم کرکٹ سٹیڈیم میں جلسہ عام سے خطاب کریں گے۔
پی ٹی آئی کی جانب سے جاری شیڈول کے مطابق 21 اگست بروز اتوار راولپنڈی، 24 اگست بروز بدھ ہری پور، 26 اگست بروز جمعہ کراچی، 27 اگست بروز ہفتہ سکھر، 28 اگست کو بروز اتوار عمران خان پشاور میں پاور شو کریں گے۔
علاوہ ازیں 31 اگست بروز بدھ کو اٹک، یکم ستمبر بروز جمعرات سرگودھا، 2 ستمبر بروز جمعہ گجرات، 3 ستمبر بروز ہفتہ بہاولپور، 4 ستمبر بروز اتوار فیصل آباد، 6 ستمبر بروز منگل مردان میں ہونے والے پی ٹی آئی کے جلسوں میں عمران خان خطاب کریں گے۔
شیڈول کے مطابق سابق وزیراعظم 7 ستمبر کو بہاولنگر، 8 ستمبر کو ملتان، 9 ستمبر کو شیخوپورہ، 10 ستمبر کو گجرانوالہ اور 11 ستمبر کو کوئٹہ میں عوامی جلسوں سے خطاب کریں گے۔