یوٹیلیٹی اسٹورز پر ایک بار پھر متعدد اشیا کی قیمتوں میں اچانک اضافہ کر دیا گیا

جہلم: یوٹیلیٹی اسٹورز پر ایک بار پھر متعدد اشیا کی قیمتوں میں اچانک اضافہ کردیا گیا۔ یوٹیلیٹی اسٹور کارپوریشن کی جانب سے اچار، مختلف برانڈز کے بسکٹ، جیلی، سرف، شو پالش، ریزر بلیڈ، ٹوتھ پیسٹ، برتن دھونے کا صابن، شہد، نوڈلز سمیت متعدد اشیاء کی قیمتوں میں اضافے کا نوٹیفکیشن جاری کردیا گیا جس کا اطلاق فوری ہوگا۔

نوٹیفکیشن کے مطابق 100گرام ٹوتھ پیسٹ کی قیمت میں 10روپے تک کا اضافہ کیا گیا جس کی قیمت 133 روپے سے بڑھ کر 143 روپے ہوگئی جبکہ 275 گرام برتن دھونے کے صابن کی قیمت میں 50 روپے تک کا اضافہ کیا گیا جس کی قیمت 133 روپے سے بڑھ کر 143 روپے ہوگئی جبکہ 275 گرام برتن دھونے کے صابن کی قیمت میں 50 روپے تک اضافہ کیا گیا اور 275 گرام ڈش واش کی قیمت 50 روپے سے بڑھا کر 140 روپے کر دی گئی ہے۔

اسی طرح ٹشو پیپر کے ڈبے کی قیمت میں بھی 11 روپے تک اضافہ کیا گیا جس کے بعد ٹشو پیپر کا ڈبہ 56 روپے سے بڑھ کر 67 روپے کا ہو گیا۔ بے بی ڈائپر کے چھوٹے پیک کی قیمت میں 348 روپے تک کا اضافہ ہوا ہے، چھوٹا برانڈڈ بے بی ڈائپر کا پیک 1352 سے بڑھ کر 1700 روپے کا ہو گیا۔

علاوہ ازیں کیڑے مار دوا کی قیمت میں بھی 300 روپے کا اضافہ کر دیا گیا، جس کے بعد 800 ایم ایل کیڑے مار محلول 490 روپے سے بڑھاکر 790 روپے کا ہو گیا۔ گرین ٹی کے برانڈڈ 45 گرام پیک کی قیمت میں 20 روپے کا اضافہ ہوا جس کے بعد نئی قیمت 178 روپے ہوگئی ہے جبکہ 250 گرام میکرونی کی قیمت میں 11 روپے اضافہ ہوا جس کے بعد قیمت 79 روپے سے بڑھ کر 90 مقرر ہوگئی۔

نوٹیفکیشن کے مطابق 300 گرام شہد کے جار کی قیمت میں 60 روپے اضافے سے 310 سے بڑھ کر 379 روپے، 66 گرام نوڈلز کی قیمت میں 5 روپے اضافے کے بعد 48 سے بڑھ کر 53 روپے تک پہنچ گئی ہے۔ اسی طرح یوٹیلیٹی اسٹورز پر ایک برانڈ کے آئل کے ڈھائی کلو والے ٹن کی قیمت میں 430 روپے تک کا اضافہ کیا گیا ہے۔