جہلماہم خبریں

موسمیاتی تبدیلی پوری دنیا کا مسئلہ ہے، لیڈر وہ ہوتا ہے جو الیکشن کا نہیں اپنی اگلی نسل کا سوچتا ہے۔ فواد چوہدری

اے پی پینومبر 20, 2021
موسمیاتی تبدیلی پوری دنیا کا مسئلہ ہے، لیڈر وہ ہوتا ہے جو الیکشن کا نہیں اپنی اگلی نسل کا سوچتا ہے۔ فواد چوہدری

جہلم: وفاقی وزیر اطلاعات و نشریات چوہدری فواد حسین نے کہا ہے کہ موسمیاتی تبدیلی کسی ایک ملک کا نہیں بلکہ پوری دنیا کا مسئلہ ہے، وزیراعظم عمران خان نے خیبر پختونخوا سے بلین ٹری سونامی پروگرام کا آغاز کیا، لیڈر وہ ہوتا ہے جو الیکشن کا نہیں، اپنی اگلی نسل کا سوچتا ہے، وزیراعظم نے ہمیشہ ماحول کی بہتری اور اپنی اگلی نسل کے مستقبل کو محفوظ بنانے کی بات کی، ماضی میں کسی نے ملک میں ماحول کی بہتری کا سوچا تک نہیں تھا۔
موسمیاتی تبدیلی پوری دنیا کا مسئلہ ہے، لیڈر وہ ہوتا ہے جو الیکشن کا نہیں اپنی اگلی نسل کا سوچتا ہے۔ فواد چوہدری
ان خیالات کا اظہار انہوں نے ہفتہ کو یہاں بجوالہ فاریسٹ، ضلع جہلم میں وزیراعظم کے بلین ٹرین سونامی پروگرام کے تحت میگا پلانٹیشن ڈے کے حوالے سے تقریب سے خطاب کرتے ہوئے کیا۔ تقریب میں بلغاریہ کی سفیر،نیب پراسکیو ٹر فیصل فرید ، ڈی ایف او جہلم سدھیر احمد مغل ، ڈی ایف او اٹک عامر الیاس ، ڈی ایف او راولپنڈی امتیاز صدیقی ، فراز چوہدری ، چو ہدری زاہد اختر، ضلعی انتظامیہ، ڈپٹی کمشنر جہلم، میڈیا نمائندگان، جہلم پریس کلب کے عہدیداران، جہلم کے غیور عوام اور سکولوں کے بچوں نے شرکت کی۔


فواد چوہدری نے کہا کہ آج 25 ہزار ایکڑ زمین پر 20 ہزار پودے لگائے جائیں گے، جہلم میں ساڑھے دس ہزار ایکڑ اراضی جنگل کے لئے مختص کی ہے، وزیراعظم عمران خان نے جہلم تا للہ ڈوئل کیرج وے کا حال ہی میں سنگ بنیاد رکھا ہے، انشاء اللہ اگلے سال یہاں کے عوام کی سہولت کے لئے ڈوئل کیرج وے مکمل ہو جائے گا، جلال پور کنال منصوبہ تیزی سے جاری ہے، ایک لاکھ 78 ہزار ایکڑ زمین سیراب ہوگی، آج ہمارے کسان کو اپنی فصلوں کی پوری قیمت مل رہی ہے، زرعی معیشت میں بہتری آئی ہے، ہماری صنعتیں ترقی کر رہی ہے۔

وفاقی وزیر اطلاعات نے کہا کہ پاکستان میں کبھی کسی نے ماحول کی بہتری کا سوچا تک نہیں تھا، وزیراعظم عمران خان واحد لیڈر ہیں جنہوں نے خیبر پختونخوا سے بلین ٹری سونامی پروگرام کا آغاز کیا، وزیراعظم نے حلف اٹھانے کے بعد سب سے پہلے دس ارب درخت لگانے کے منصوبہ کا اعلان کیا۔ لیڈر وہ ہوتا ہے جو اپنے الیکشن کا نہیں بلکہ اپنی نسل کا سوچتا ہے اور وزیراعظم نے ہمیشہ ماحول کی بہتری اور اپنی اگلی نسل کے مستقبل کو محفوظ بنانے کی بات کی ہے۔


انہوں نے کہا کہ اس وقت موسمیاتی پوری دنیا کا مسئلہ ہے، کوئی ایک قوم یا ایک ملک اس سے متاثر نہیں ہے، ہماری کوشش ہے کہ ہم اپنی نسل کو ایک بہتر ماحول دے کر جائیں۔ آج کینسر اور سانس کی بیماریوں میں اضافے کی بڑی وجہ یہی ہے کہ ماضی میں ماحول کی بہتری کے لئے کسی نے کام نہیں کیا۔

فواد چوہدری نے کہا کہ جہلم میں ہم نے ساڑھے دس ہزار ایکڑ اراضی جنگل کے لئے مختص کی ہے، 2018ء میں ہم نے یہاں جو پودے لگائے تھے آج وہ تن آور درخت بن چکے ہیں، درخت اور پودے لگانے سے آج یہاں زمین میں پانی کا ٹھہراؤ پیدا ہو گیا ہے، آج 25 ہزار ایکڑ زمین پر 20 ہزار پودے لگائے جائیں گے۔

انہوں نے کہا کہ سکولوں کے چھ ہزار سے زائد بچے یہاں آج اپنا قومی فریضہ ادا کرنے کے لئے یہاں موجود ہیں جنہیں دیکھ کر بہت خوشی ہوئی، آج لگائے جانے والے پودے ان بچوں کی شناخت بنیں گے۔


وفاقی وزیر نے کہا کہ جہلم کے اندر ہم نے ترقی کے سفر کا آغاز کیا ہے، جو منصوبے یہاں شروع کئے ہیں، ان کے بارے میں کوئی سوچ ہی نہیں سکتا تھا، جہلم تا للہ روڈ کی حالت سب کے سامنے ہے، ماضی میں اس سڑک پر کسی نے کوئی توجہ نہیں دی، وزیراعظم عمران خان نے ڈوئل کیرج وے کا حال ہی میں سنگ بنیاد رکھا ہے، انشاء اللہ اگلے سال یہاں کے عوام کی سہولت کے لئے یہ ڈوئل کیرج وے مکمل ہو جائے گا۔ جلال پور کنال منصوبہ تیزی سے جاری ہے، ایک لاکھ 78 ہزار ایکڑ زمین سیراب ہوگی۔

وفاقی وزیر اطلاعات نے کہا کہ تین سالوں میں تحصیل پنڈ دادنخان کے لئے 70 ارب روپے کے منصوبے دیئے۔ انہوں نے کہا کہ جہلم شہیدوں اور غازیوں کی سرزمین ہے، ہمارے قبرستان شہیدوں کے لہو سے مہکتے ہیں، شہیدوں اور غازیوں کی قربانیوں کی بدولت یہ ملک آگے بڑھ رہا ہے، ملک کے لئے ان کی قربانیوں کو فراموش نہیں کیا جا سکتا۔


چوہدری فواد حسین نے کہا کہ آج دیہات میں کسانوں کو اپنی فصلوں کی پوری قیمت مل رہی ہے، ہماری زرعی اکانومی میں پہلی مرتبہ بہتری آئی ہے، ہماری صنعتیں ترقی کر رہی ہیں۔ عالمی سطح پر مہنگائی کی وجہ سے ملک میں بھی مہنگائی کی لہر ہے لیکن بہت جلد مہنگائی میں کمی آنا شروع ہو جائے گی۔ انہوں نے کہا کہ ہم نے مل کر وطن عزیز کو عظیم سے عظیم تر بنانا ہے۔
موسمیاتی تبدیلی پوری دنیا کا مسئلہ ہے، لیڈر وہ ہوتا ہے جو الیکشن کا نہیں اپنی اگلی نسل کا سوچتا ہے۔ فواد چوہدری
تقریب کے بعد وفاقی وزیر اطلاعات نے پودا لگا کر 20 ہزار پودے لگانے کے منصوبے کا آغاز کیا۔

اے پی پینومبر 20, 2021

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button