مردم شماری؛ جہلم میں استاد اور پولیس آفیسر کے ساتھ مزاحمت اور بدتمیزی کرنے والا ملزم گرفتار
جہلم: چوکی انچارج مصری موڑ معہ ٹیم کی اہم کارروائی، مردم شماری پر ڈیوٹی سر انجام دینے والے استاد اور پولیس آفیسر کے ساتھ مزاحمت اور بدتمیزی کرنے والا ملزم گرفتار، پولیس نے مقدمہ درج کر لیا۔
تفصیلات کے مطابق چوکی انچارج مصری موڑ اور ان کی ٹیم نے کارروائی کرتے ہوئے مردم شماری پر ڈیوٹی سر انجام دینے والے استاد اور پولیس آفیسر کے ساتھ مزاحمت اور بدتمیزی کرنے والا ملزم گرفتارکرلیا،ملزم کی شناخت فیض کے نام سے ہوئی۔
درخواست دہندہ نے کہا کہ میں اور پولیس آفیسر حسن مردم شماری کے سلسلہ میں ملزم کے گھر گئے جہاں اس نے ہمارے ساتھ بدتمیزی کی اور ٹیبلٹ کو اٹھا کر زمین پر پھینکا دیا،چوکی انچارج مصری موڑ نے چند گھنٹوں میں ملزم کو گرفتار کر لیا۔
ڈی پی او جہلم ناصر محمو د ناجوہ نے کہا کہ سرکاری امور کی انجام دہی کے دوران خلل ڈالنے والوں کو آہنی ہاتھوں نمٹا جائے گا، ڈی پی او جہلم نے انچارج مصری موڑ اور ٹیم کو شاباش دی۔