پنجاب یونیورسٹی جہلم کیمپس میں قائم ای روز گار سنٹر میں بیچ 16 کیلئے داخلوں کا شیڈول جاری
جہلم: پنجاب یونیورسٹی جہلم کیمپس میں قائم ای روز گار سنٹر میں بیچ 16 کیلئے داخلوں کا شیڈول جاری، منتخب طلباء و طالبات کو ای روزگار پروگرام کے تحت فری لائنسنگ کی تربیت دی جائے گی۔
تفصیلات کے مطابق پنجاب یونیورسٹی جہلم میں قائم ای روزگار سنٹر میں بیچ سولہ کے داخلوں کے شیڈول کا اعلان کر دیا گیا ہے جس کے مطابق ضلع جہلم کے طلبا و طالبات سے درخواستیں طلب کی جائیں گی۔ پنجاب یونیورسٹی جہلم اور باقی تمام کالجز میں زیرِ تعلیم سال آخر کے طلباء و طالبات بھی ای روزگار پروگرام کے لیے درخواستیں جمع کرا سکتے ہیں۔
اس پروگرام کے لئے سولہ سالہ تعلیم اور پنجاب کا ڈومیسائل ہونا ضروری ہے جبکہ عمر کی بالائی حد پینتیس سال اور کورس کا دورانیہ تین ماہ ہے۔ منتخب طلباء و طالبات کو ای روزگار پروگرام کے تحت ای کامرس،یو آئی/یو ایس ڈیزائننگ،ڈیجیٹل اینڈ سوشل میڈیا مارکیٹنگ، ٹیکنیکل،کانٹینٹ مارکیٹنگ اینڈ ایڈورٹائزنگ، کریٹیو ڈیزائننگ اور فری لائنسنگ کی تربیت دی جا ئے گی جس کے بعد وہ گھر بیٹھ کر انٹرنیٹ سے اپنی صلاحیتوں کے مطابق با عزت روزگار کما سکتے ہیں۔
درخواستیں آن لائن ویب سائٹ پر جمع ہوں گی۔ طلبہ ای روزگار کی ویب سائٹ پر آن لائن اپلائی کر سکتے ہیں اور ای روزگار سنٹر پنجاب یونیورسٹی جہلم میں وزٹ بھی کر سکتے ہیں۔ مزید معلومات کے لیے 03219200048 نمبر رابطہ کر سکتے ہیں۔