پٹرولنگ پوسٹ مصری موڑ جہلم نے سال 2022ء کی کارکردگی رپورٹ جاری کر دی
جہلم: پٹرولنگ پوسٹ مصری موڑ جہلم نے سال 2022 ء کی کارکردگی رپورٹ جاری کر دی، عدالتی مفروران و مجرمان اشتہاری کے خلاف کارروائی کرتے ہوئے 29 افراد کو گرفتارکیا، اوور لوڈ گاڑی پر47مقدمات درج کئے گئے۔
تفصیلات کے مطابق ایس ایس پی پنجاب ہائی وے پٹرول راولپنڈی ریجن محمد بن اشرف کی ہدایت، انچارج ڈی ایس پی پنجاب ہائی وے پٹرول جہلم رضاء خان کی زیر نگرانی، انچارج پٹرولنگ پوسٹ مصری موڑ سب انسپکٹر سلطان عارف رضا اور ہمراہ ٹیم نے سال 2022 میں شاندار کارکردگی کا مظاہرہ کیا۔
عدالتی مفروران و مجرمان اشتہاری کے خلاف کارروائی کرتے ہوئے 29 افراد کو گرفتار کر کے باپند سلاسل کیا۔ غفلت اور لا پر واہی اوور لوڈ گاڑی چلانے والے ڈرائیور ان کے خلاف کارروائی کرتے ہوئے 47 مقدمات درج کرائے۔ مشکوک اور جعلی اور بوگس نمبر پلیٹ لگانے والے موٹر سائیکلوں کے خلاف کارروائی کرتے ہوئے 34 موٹر سائیکل اور 1 کار کو تھانہ جات میں بند کروائے۔
ممنوعہ و غیر لائسینسی اسلحہ رکھنے والے 2 افراد پر مقدمات درج کرائے اور دوران سفر عوام الناس کو پیش آنے والی مشکلات کو حل کرنے کیلئے 33 افراد کی مدد کی گئی جبکہ ایکسیڈنٹ ہیلپ میں 4 زخمیوں کو فوری طبی امداد دی گئی اور مزید علاج معالجہ کے لیے 1122 کے ذریعے زخمیوں کو ہسپتال منتقل کیا گیا جبکہ 233 مزید مسافروں کو دوران سفر بروقت مدد فراہم کی۔
دوران سفر عوام اورا لناس کے سفر کو محفوظ بنانا اور ان کے جان و مال کو محفوظ بنانا پٹرولنگ پولیس کی اولین ترجیح ہونی چاہیے۔ نیز جرائم پیشہ افراد کے خلاف زیادہ سے زیادہ کارروائی کر کے ان کو کیفر کردار تک پہنچایا جائے۔