محرم الحرام؛ ڈی پی او جہلم کا جلالپور شریف کے علاقوں کا دورہ، سکیورٹی انتظامات کا جائزہ لیا

پنڈدادنخان: ڈی پی او جہلم ناصر محمود باجوہ نے جلالپور شریف کے علاقہ جات ڈھوک سنادہ، سیداں والا اور ڈھوک عبداللہ پور کا دورہ کیا، انہوں نے سکیورٹی انتظامات کا جائزہ لیا۔

ڈی پی او جہلم نے محرم الحرام کے حوالے سے سیداں والا میں جاری مجلس کا بھی دورہ کیا جہاں انہوں نے پولیس افسران کو چیک کیا اور الرٹ ڈیوٹی سر انجام دینے کی ہدایات دیں۔

انہوں نے ڈھوک سنادہ کی امام بارگاہ کا دورہ کیا، ڈی پی او نے عبداللہ پور کی امام بارگاہ اور محرم الحرام کے جلوس روٹ کا بھی دورہ کیا۔سکیورٹی اور دیگر انتظامات کا جائزہ لیا۔

ایس ایچ او جلالپور شریف نے ڈی پی او جہلم کو سکیورٹی اور دیگر انتظامات کے بارے میں بریف کیا، ڈی پی او جہلم نے مجلس کے منتظمین اور شرکاء سے بھی ملاقات کی، انہوں نے محرم الحرام کے حوالے سے مناسب ہدایات جاری کیں۔

اس موقع پر ڈی پی او جہلم ناصر محمود باجوہ نے کہا کہ پولیس افسران و جوان محرم الحرام کے دوران الرٹ ڈیوٹیز سر انجام دیں، جہلم پولیس محرم الحرام کے دوران شہریوں کی حفاظت کو یقینی بنائے گی۔