جہلم: انسپکٹر جنرل آف پولیس پنجاب کے احکامات کی روشنی میں رانا طاہر رحمٰن خان ڈسٹرکٹ پولیس آفیسر جہلم نے ڈی پی او آفس جہلم میں کھلی کچہری کا انعقاد کیا۔
کھلی کچہری کا باقاعدہ آغاز تلاوت کلام پاک سے ہوا۔اس موقع پر محمد ابرہیم وڑائچ DSP سٹی سرکل، محمد سلیم خٹک DSP صدر سرکل، ایس ایچ اوز تھانہ سٹی/سول لائن، انچارج برانچز ڈی پی او آفس جہلم سمیت پرنٹ و الیکٹرانک میڈیا نمائندگان اور لوگوں کی کثیر تعداد نے شرکت کی۔
ڈسٹرکٹ پولیس آفیسر جہلم نے کھلی کچہری میں آئے ہوئے سائلین کے مسائل کو سنا اور متعلقہ افسران ضلع ہذا کو سائلین کے مسائل کے حل کے لیے فوری احکامات جاری کیے۔
ڈسٹرکٹ پولیس آفیسر جہلم رانا طاہر رحمٰن خان نے مزید کہا کہ شہریوں کی خدمت ہمارا اولین فرض ہے اور اس سلسلے میں کسی قسم کی کوئی کوتاہی برداشت نہیں کی جائے گی۔