جہلم میں جی ٹی روڈ پر تیز رفتار ٹرک نے موٹرسائیکل سوار کو کچل دیا، 32 سالہ موٹرسائیکل سوار موقع پر ہی جاں بحق ہو گیا۔
تفصیلات کے مطابق جہلم میں دیوان سعید کے قریب جی ٹی روڈ پر ایک تیز رفتار ٹرک نے موٹرسائیکل کو ٹکر مار دی جس کے نتیجہ میں 32 سالہ علی ولد لیاقت علی سکنہ کالاگجراں جہلم ٹرک کے نیچے آ کر موقع پر ہی جاں بحق ہو گیا.
اطلاع ملتے ہی ریسکیو 1122 کی ٹیم موقع پر پہنچ گئی اور ڈیڈ باڈی کو ڈسٹرکٹ ہیڈ کوارٹر ہسپتال جہلم منتقل کر دیا۔
