سوہاوہ: ایڈیشنل سیشن جج چوہدری عامر ضیاء نےمنشیات کےمقدمہ نمبر 23/ 72 بجرم CNSA 9-i3C تھانہ سوہاوہ کا فیصلہ سنا دیا۔
مجرم سہیل احمد نےمنشیات فروشی کے جرم کا ارتکاب کیا تھا،جس پر معزز عدالت نے مجرم سہیل احمد کو9سال قید اور 80 ہزار روپے جرمانے کی سزا کا فیصلہ سنا دیا۔
مجرم کو رواں سال منشیات فروشی کے جرم میں گرفتار کیا گیا تھا، جہلم پولیس نے مجرم کو ٹریس کرکے گرفتار کیا اور ٹھوس شواہد کیساتھ چالان عدالت کیا اور مقدمہ کی موثر پیروی کی،جس کے پیش نظر عدالت نے مجرم کو قرار واقعی سزا سنائی۔
اس حوالے سے ڈی پی او جہلم ناصر محمود باجوہ کا کہنا تھا کہ منشیات فروش معاشرے کا ناسور ہیں جن کے خاتمے کے لئے بھرپور آپریشن جاری ہے۔
ڈی پی او جہلم ناصر محمود باجوہ نے انویسٹی گیشن اور لیگل ٹیموں کو شاباش، تعریفی سرٹیفکیٹ اور نقد انعام دینے کا اعلان کیا۔
