پاسپورٹ بنوانے والے شہریوں کے لئے بڑی خوشخبری

جہلم: پاسپورٹ فیس کی ادائیگی آن لائن کرنے کا حتمی فیصلہ،دو ماہ کے بعد پاسپورٹ فیس بینکوں کی بجائے صرف آن لائن جمع کروائی جا سکے گی، اکتیس جنوری سے پاسپورٹ فیس ”پاسپورٹ فیس آسان” موبائل ایپ سے جمع ہو گی۔

تفصیلات کے مطابق پاسپورٹ دفاتر میں پاسپورٹ فیس کی ادائیگی آن لائن کرنے کا حتمی فیصلہ کرلیا گیا ہے۔دو ماہ کے بعد پاسپورٹ فیس بینکوں کی بجائے صرف آن لائن جمع کروائی جا سکے گی۔

اکتیس جنوری سے پاسپورٹ فیس ”پاسپورٹ فیس آسان” موبائل ایپ سے جمع ہو گی۔ سائلین بینکوں میں جانے کی بجائے موبائل ایپ سے پاسپورٹ فیس جمع کروائیں گے۔

انتظامیہ کا کہنا ہے کہ یکم فروری سے بینکوں میں پاسپورٹ فیس کی ادائیگی پر پابندی عائد کر دی جائے گی۔ سائلین کو فیس ادائیگی میں آسانی ہو گی۔فیس کی وصولی کی کنفرمیشن ایس ایم ایس کے ذریعے کی جائے گی۔