پنڈدادنخان: ایس ایچ او پنڈدادنخان محمد آصف اور ٹیم کی اہم کارروائی کرتے ہوئے قتل کے مقدمہ میں ملوث دو ملزمان کو گرفتار کر لیا۔ وقوعہ میں استعمال ہونے والا ناجائز اسلحہ برآمد کر لیا گیا۔
ڈی پی او جہلم نے ایس ایچ او پنڈ دادنخان کو واقعہ میں ملوث ملزمان کی گرفتاری کا ٹاسک دیا تھا۔
پنڈدادنخان پولیس نے کارروائی کرتے ہوئےملزم سرفراز احمد اور ملزم سکندر حیات کو گرفتارکر لیا،ملزم سرفراز احمد سے رائفل 8ایم ایم معہ روند اور ملزم سکندر حیات سے رائفل 8 ایم ایم معہ روند برآمد کر لیے گئے۔
ملزمان نے 2 ماہ قبل بلال حیدر نامی شہری کو فائرنگ کر کے قتل کر دیا تھا،ملزمان کو ٹھوس شواہد کے ساتھ چالان عدالت کیا جائے گا۔
ڈی پی او جہلم ناصر محمود باجوہ کا کہنا تھا کہ قانون کی عملداری کوہرصورت یقینی بنایا جائے گا، ڈی پی او جہلم نے پنڈدادنخان پولیس کو شاباش دی۔
