جہلم کورونا فری ضلع کی جانب گامزن، فعال کیسز کی تعداد 13 رہ گئی

ڈسٹرکٹ ہیلتھ اتھارٹی جہلم میں آج مزید کورونا وائرس کا نیا کیس رپورٹ نہیں ہوا۔ اس وقت جہلم میں 13 کورونا وائرس سے متاثرہ مریض جن میں کورونا وائرس بیماری کی کوئی علامات نہیں ہے گھروں میں آئسولیٹ کیا گیا ہے۔

محکمہ صحت جہلم نے گزشتہ روز تک کورونا کے مشتبہ 128302 افراد کے نمونے لے کر لیبارٹری بھجوائے ہیں جن میں سے 2720 افراد کی رپورٹ مثبت آئی ہے، اب تک کل 2631 کورونا وائرس سے متاثرہ مریض صحت یاب ہو چکے ہیں، اس وقت کل کورونا وائرس سے 76 اموات ہوئی ہیں۔

کورونا وائرس کی تیسری لہر میں محکمہ صحت جہلم نے یکم مارچ 2021 سے اب تک کل کورونا وائرس کے مشتبہ 67142 افراد کے نمونے لے کر لیبارٹری بھجوائے ہیں جن میں 1238 افراد کی رپورٹ مثبت موصول ہوئی، کورونا وائرس کی تیسری لہر میں اب تک 35 اموات ہوئی ہیں اورکورونا وائرس کے مثبث کیسیز کی شرح %1.87 ہے۔

جہلم میں اب تک 73 میڈیکل اور پیرامیڈیکل سٹاف کورونا وائرس سے متاثر ہوا ہیں۔ اب تک 2995 فرنٹ لائن ہیلتھ ورکرز اور 712815 اٹھارہ سال سے زائد عمر کے شہریوں کو کورونا وائرس سے بچاؤ کی ویکسینیشن کر دی گئی ہے۔

اب تک ضلع جہلم میں ڈینگی کے 16 مثبت کیس رپورٹ ہوئے۔ اس وقت ڈسڑکٹ ہیڈ کوارٹر ہسپتال جہلم میں ڈینگی کے 3 مشتبہ اور 4 مثبت مریض داخل ہے، اب تک ضلع جہلم میں ڈینگی سرویلنس کے دوران 17 آوٹ ڈور مقامات اور 3 ان ڈور مقامات سے ڈینگی کا لارواہ برآمد ہوا ہے۔