پنڈدادنخان: ہارون الرشید نے کہا کہ ٹیکس کی بروقت ادائیگی ملک و قوم کے وسیع تر مفاد میں ہے ، 31 اکتوبر انکم ٹیکس گوشوارے جمع کرانے کی آخری تاریخ ہے۔
اسسٹنٹ کمشنر انکم ٹیکس ہارون الرشید اور انسپکٹر انکم ٹیکس ملک محمد اقبال نے تاجروں، صنعت کاروں، اور صحافیوں کے مشترکہ اجلاس سے خطاب کرتے ہوئے کہا کہ سرکاری ملازمین اور دیگر کاروباری حضرات زیادہ سے زیادہ فائلر بنے اس سے آپ بہت سی مشکلات سے بچ جاتے ہیں۔
انہوں نے کہا کہ ملکی حالات کے پیش نظر ہم سب کی کوشش ہونی چاہیے کہ فائلر بنے آپ کا دیا ہوا ٹیکس ملک و قوم کے لیے نہ صرف ضروری ہے بلکہ ملکی ترقی اور دفاع کو مضبوط کرنے کے لیے بہت ضروری ہے۔
انہوں نے کہا کہ اس وقت ملک شدید اقتصادی اور معاشی بحران کی طرف جا رہا ہے اور ہم سب کا فرض ہے کہ ہم ملک کو ان حالات سے نکالنے کے لیے اپنا اپنا فرض ادا کریں ۔فائلر بننے سے آپ بے شمار مشکلات سے بچ جاتے ہیں آپ کے کاروباری لین دین جائیداد اور گاڑیوں کی خرید و فروخت میں بہت سی سہولیات حاصل ہو جاتی ہیں ہمیں ملک کو مضبوط کرنے کے لیے بروقت انکم ٹیکس دینے کی مہم کو عام کرنا ہوگا۔
انہوں نے کہا کہ ایک مضبوط معیشت ہی مضبوط پاکستان کے لیے ضروری ہے فائلر بننے کے لیے انکم ٹیکس آفس پنڈدادنخان میں ملک فدا حسین کی زیر نگرانی کاؤنٹر قائم کر دیا گیا ہے جہاں سے ہر قسم کی معلومات مل سکتی ہیں۔
انہوں نے مزید کہا کہ آگاہی مہم کا مقصد تحصیل پنڈدادنخان میں اب تک 11 ہزار سے زائد لوگوں نے اپنے گوشوارے جمع نہیں کرائے لہذا جن افراد کے گوشوارے نامکمل ہیں وہ فوری طور پر 31 اکتوبر سے قبل اپنے گوشوارے جمع کرائیں اور اس سسٹم کا حصہ بنے اور زیادہ سے زیادہ فائلر بن کر سہولیات حاصل کریں۔
