پانچ اعزازات کے ساتھ یورپ کا بہترین ائر پورٹ کون سا

ترکیہ کے استنبول ایئر پورٹ نے پانچ ایوارڈز کے ساتھ یورپ کے بہترین ائر پورٹ کا ٹائٹل جیت لیا۔ کھانے پینے اور شاپنگ سمیت پانچ معاملات میں استنبول ایئر پورٹ شاندار خدمات انجام دے رہا ہے۔

امریکا کے معروف جریدے گلوبل ٹریولرنے سالانہ لیزیور لائف اسٹائل ایوارڈز کے موقع پر ایک سروے میں استنبول ائر پورٹ کو یورپ بھر میں بہترین قراردیا ہے۔

گلوبل ٹریولرمیگزین کے قارئین کا کہنا ہے کہ استنبول ائر پورٹ بہترین فوڈ اور شاپنگ ایریا فراہم کرنے کے ساتھ ساتھ ڈیوٹی فری شاپنگ کا بھی بہترین تجربہ فراہم کرتا ہے۔

سروے میں پانچ لاکھ سے زائد قارئین نے حصہ لیا۔ ان قارئین کی اکثریت نے متعدد ممالک کا سفر کیا ہے اور کئی ائر لائنز سے مستفید ہونے کا تجربہ رکھتے ہیں۔

تحقیق کے مطابق گلوبل ٹریولر کا اوسط قاری سال بھر میں 18 بار اندرونی سفر کرتا ہے جبکہ 96 فیصد قارئین باقاعدگی سے بیرونی سفر بھی کرتے ہیں۔ ان میں سے 80 فیصد ہر سال 80 دن سے زائد کسی فور اسٹار یا فائیو اسٹار ہوٹل میں قیام کرتے ہیں۔

استنبول ائر پورٹ کے کمیونی کیشنز ڈائریکٹر گوکھان سینگل کہتے ہیں کہ گلوبل ٹریولر جیسے باوقار جریدے کے قارئین کی طرف سے بہترین قرار دیا جانا ایک بڑا اعزاز ہے۔

استنبول ائر پورٹ کو دوسری بار بہترین ٹرانسفرائر پورٹ قرار دیا گیا ہے جبکہ ویئریور ایوارڈز میں اسے ایک بارپھر بہترین خاندان دوست ائر پورٹ بھی قرار دیا گیا۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button