للِہ تا جہلم ڈیول کیرج وے کے فنڈ کے سلسلہ میں کرنل (ر) زاہد حسین شیرازی نے نگران وفاقی وزیر منصوبہ بندی سے ملاقات کی۔
تفصیلات کے مطابق امیدوار ایم پی اے حلقہ پی پی 26 کرنل (ر) سید زاہد حسین شیرازی نائب صدر پاکستان مسلم لیگ (ن) ضلع جہلم نے چوہدری محمد اکرم برق اور سینئر صحافی چوہدری زاہد حیات کے ہمراہ وزیراعظم پاکستان کی ہدایت پرللِہ تا جہلم ڈیول کیرج وے کے فنڈ کے سلسلہ میں نگران وفاقی وزیر منصوبہ بندی سمیع سعید سےملاقات کی۔
نائب صدر پاکستان مسلم لیگ(ن) ضلع جہلم سید زاہد حسین شیرازی نے للِہ تا جہلم ڈیول کیرج وے منصوبہ کے حوالہ سے تفصیلات سے آگاہ کیا اور کام کی سست روی سے علاقہ کو درپیش مشکلات بارے نگران وفاقی وزیر منصوبہ بندی کو آگاہ کیا۔
یاد رہے کہ امیدوار ایم پی اے حلقہ پی پی 26 کرنل (ر) سید زاہد حسین شیرازی نے نگران وزیراعظم پاکستان ڈاکٹر انوارالحق کاکڑ سے وزیر اعظم ہاؤس اسلام آباد میں ملاقات کی تھی۔ نگران وزیراعظم انوار الحق کاکڑ نے فنڈز بحال کروانے کی مکمل یقین دہانی کروائی اور موقع پر وزیر منصوبہ بندی کو حکم دیا کہ للِہ تا جہلم ڈیول کیرج وے کے فنڈز جلد جاری کئے جائیں اور منصوبہ کی جلد تکمیل کےلئے تمام ضروری اقدامات اٹھائے جائیں۔
