موسمیاتی تبدیلیوں کے اثرات، جہلم میں بارش نہ ہونے سے گندم کی پیداوار میں کمی کا خدشہ

موسمیاتی تبدیلیوں سے رواں سیزن گندم کی فصل پر منفی اثرات مرتب ہو سکتے ہیں، گزشتہ دو ماہ سے بارش نہ ہونے سے ضلع جہلم میں گندم کی پیداوار میں کمی کا خدشہ ہے۔

جہلم اپڈیٹس کے مطابق گزشتہ دو ماہ سے خطہ پوٹھوار میں بارش نہ ہونے سے گندم کی فصل کو نقصان ہو سکتا ہے، ضلع جہلم سمیت ملک بھر کے ایک تہائی حصہ کی گندم بارانی علاقوں میں کاشت ہوتی ہے۔

ذرائع وزارت قومی غذائی تحفظ کے مطابق ان علاقوں میں نہری نظام نہ ہونے کی وجہ سے بارش کے پانی کی اشد ضرورت ہے۔

ذرائع وزارت قومی غذائی تحفظ کا کہنا ہے کہ بارانی علاقوں میں بارش نہ ہونے سے ضلع جہلم سمیت ملک بھر میں گندم کی فصل پر منفی اثرات پڑنے کا خدشہ ہے، اگر ملک بھر میں گندم کی پیداوار کا ٹارگٹ پورا نہ ہوا تو مستقبل میں گندم درآمد کرنا پڑے گی۔

ذرائع نے مزید بتایا کہ اگر آنے والے دنوں میں بارش نہ ہوئی تو گندم کی فصل پر منفی اثرات بڑھ سکتے ہیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button